Ekskluzive/ Top Channel zbulon detajet, Rama mbledhje të jashtëzakonshme me ministrat dhe deputetët
04/05 22:35
Oerd Bylkbashi ka rihedhur akuzat se PS ka bërë pakt me krimin për të dhunuar zgjedhjet, e për këtë ai i referohet deklaratës së Rexhep Rrahjas, djalit të deputetit të PS, Rrahman Rraja.
Ky i fundit pas marrjes së masës së sigurisë në ambientet e Gjykatës së Fushë Krujës është pyetur nga gazetarët, nëse ka diçka për të thënë dhe ai është përgjigjur: “Lulzim Basha le ta provojë në votime”.
Kjo fjali për Bylykbashin tregon se nuk ka zëdhënës dhe provë më të mirë të paktit të PS me krimin për të dhunuar zgjedhjet.
“Rexhep Rrahja, zëdhënësi i PS për zgjedhjet PS e paska gjetur konsensusin për reformën zgjedhore. PS deklaron sot se do të bëjë propozimet e saj të njëanshme për Kodin zgjedhor. Arsyeja është shumë e thjeshtë: po sot, nën pranga per dhunimin e një vajze të pafajshme, i biri i Rrahman Rrahjes kërcënon opozitën: do ta shihni në zgjedhje. Zëdhënës dhe provë më të mirë të paktit të PS me krimin për të dhunuar zgjedhjet nuk ka! Kjo është reforma që propozon PS!”, shkruan Bylykbashi në Facebook.
Top Channel
