Hakerët kinezë po përgatiten për një konflikt me SHBA-në! Zyrtari i lartë amerikan: Pritet të kryejnë sulme kibernetike 23/11 07:30
Palestinezët pretendojnë ngritjen e një padie në Gjykatën Ndërkombëtare të Drejtësisë (ICJ) kundër zhvendosjes së Ambasadës së SHBA-ve në Jeruzalem.
Nisjen e procesit e konfirmoi edhe vet organi më i lartë i Kombeve të Bashkuara, por pa saktësuar një datë për seancën dëgjimore.
Ajo çfarë kërkojnë palestinezët është që gjykata ta udhëzojë Amerikën të largojë përfaqësinë e saj diplomatike nga Jeruzalemi. Akuza e tyre mbështetet në Konventën e Vjenës së vitit 1961, e cila rregullon marrëdhëniet diplomatike mes shteteve dhe thekson qartë se, ambasada duhet të jetë në territorin e vendit pritës.
Për shkak të statusit të veçantë të Jeruzalemit, sipas Autoritetit Palestinez “zhvendosja e Ambasadës së SHBA në Izrael drejt Jeruzalemit është një shkelje e kësaj konvente”.
Procedura tani mund të zgjasë me vite. Që prej zhvendosjes së misionit diplomatik amerikan, palestinezët – kujton “Deutsche Welle”, – e kanë bojkotuar qeverinë amerikane, për të cilën thonë se e ka humbur rolin e ndërmjetësuesit neutral në konfliktin e Lindjes së Mesme.
Qëndrimit të tyre sfidues, Donald Trumpi iu përgjigj me shkurtimin e miliona dollarëve ndihma humanitare për UNRWA-në, organizatën humanitare të OKB-së për palestinezët. Shefi i Shtëpisë së Bardhë mendon se kjo mund të jetë një mënyrë për t’i kthyer palestinezët në tryezën e bisedimeve me Izraelin.
Top Channel
