Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Tetë fitore në 8 ndeshje sezonale! Ky është një rekord që Juventusi nuk e regjistronte prej 88 vitesh, e gjithçka erdhi pas fitores 3-1 ndaj Napolit.
Për më tepër, ky sukses ndaj skuadrës së Ancelottit i jep mundësinë “Zonjës së vjetër” të krijojë shkëputjen, teksa e sheh veten 6 pikë para napolitanëve.
Megjithatë, jo gjithçka u mbyll me festë për juventinët. Shefi ekzekutiv i klubit torinez, Beppe Marotta i ka befasuar të gjithë, teksa ka dhënë dorëheqjen nga posti i tij.
“Mandati im si shef ekzekutiv i klubit mbyllet më 25 tetor, – tha Marotta. – Klubi dhe aksionerët po zbatojnë politikën e rinovimit. Emri im nuk do të jetë në listën e kandidatëve për këtë post”.
Beppe Marotta u bë pjesë e bordit drejtues të Juventusit në vitin 2009, kur la klubin e Sampdorias. Së bashku me Fabio Paratici, ata ndihmuan “Zonjën e vjetër” që të fitojë 7 tituj kampion në Serie A radhazi, si dhe të luajë në dy finale të Champions League.
Në të njëjtën kohë, gjatë periudhës së Marottës, Juventus ka fituar edhe 4 Kupa të Italisë dhe 3 Superkupa italiane.
Top Channel
