Moti ndryshon javën tjetër
21/09/2018 09:29
Parashikimi i motit/ Vranësira dhe reshje shiu, ja ç’ndodh pas pasdites 04/05 07:05
Duket se vera do të përfundojë këtë fundjavë, teksa javës tjetër ndryshojnë kushtet e motit.
Sipas Meteoalb, nesër dhe gjatë fundjavës, moti mbetet me kthjellime dhe vranësira kalimtare në pjesën më të madhe të vendit; më të dukshme vranësirat gjatë orëve të pasdites dhe kryesisht në zonat malore.
Ndërsa mundësia për shira, shfaqet të hënën në zona të izoluara në Veri – Verilindje. Temperaturat do të vijojnë me vlera lehtësisht mbi normalet gjatë orëve të natës dhe mëngjeseve (përfshirë edhe fundjavën) ndërsa temperaturat e mesditës kanë shënuar mesatarisht 6°C, mbi maksimumet tipike të muajit shtator. Konkretisht, deri të dielën, temperaturat sipas zonave do të luhaten: 12 – 30°C në zonat malore; 18 – 34°C në zonat e ulëta dhe bregdetare.
Java që vjen sjell rënie të theksuara të temperaturave në të dy ekstremumet termike të ditës; ku vlerat minimale në rang territori ulen deri në 6°C ndërsa maksimumet nga 34°C gjatë këtyre ditëve, do ulen në 25 – 26°C.
Top Channel
