Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Më 1 tetor do të festojë 52-vjetorin e tij, por duket se George Weah është mjaftueshëm në formë për të luajtur si titullar për thuajse 90 minuta të plota me fanellën e kombëtares së tij, që një natë më parë luajti ndaj Nigerisë, me këtë të fundit që fitoi 2-1.
Ish-sulmuesi i Paris SG dhe Milanit, aktualisht president i Liberisë, është rikthyer në një fushë të blertë plot 15 vite pas lamtumirës që i dha futbollit, e këtë e ka bërë në një miqësore të organizuar pikërisht tërheqjen e fanellës me numrin 14, i preferuari i ish-fituesit të Topit të Artë në vitin 1995, pasi në Liberi konsiderohet sportisti më i famshëm i të gjitha kohërave.
A masterclass in blurring the line between a 'match in his honour' and just 'coming out of retirement'. Well Done Mr. Weah #SuperEagles #GeorgeWeah pic.twitter.com/lAabjGIy9L
— The Football Space (@FootballSpace1) September 12, 2018
Në fushën e blertë, Weah zbriti me shiritin e kapitenit, së bashku me lojtarë që i përkasin aktualisht formacionit të përfaqësueses së Liberisë. E nisi si titullar dhe u zëvendësua vetëm në minutën e 79, shoqëruar me një ovacion të jashtëzakonshëm.
Për të pati duartrokitje sa herë kapte topin në fushën e stadiumit të kryeqytetit Monrovia, edhe pse nuk arriti të shënonte një gol, teksa 11-metërshin që mund ta ekzekutonte vet ia la lojtarit Kpah Sherman.
Top Channel
