Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Italia ia komplikon shumë gjërat vetes në Ligën e Kombeve. Në “Da Luz” të Lisbonës, skuadra e drejtuar nga Mancini u mposht me rezultatin 1-0 nga Portugalia, kampione e Europës në fuqi, në një sfidë ku të gjithë prisnin reagimin e “axurrëve” pas ndeshjes së parë të zhvilluar me Poloninë, pak ditë më parë.
Skuadra luzitane ishte superiore ndaj Italisë në të gjitha aspektet, e nëse rezultati në fund të sfidës ishte vetëm 1-0, kjo erdhi për meritë të Donnarummës, që bëri të paktën 3 pritje vendimtare.
Ai që e futi Italinë në telashe të mëdha në kompeticionin më të ri të UEFA-s ishte ish-sulmuesi i Milanit, Andre Silva, me golin e shënuar në minutën e 48, gol që erdhi pas një topi të humbur të Caldarës.
Pas dy ndeshjeve të para të Ligës së Kombeve, Italia ka vetëm 1 pikë, atë të barazimit me Poloninë në “Dall’Ara” të Bolonjës, duke detyruar “të kaltrit që në dy ndeshjet e radhës të ndryshojnë me çdo kusht gjërat, në mënyrë që të evitojnë rënien në Ligën B.
Top Channel
