Në orën 10:00 të së hënës janë mbyllur transmetimet analoge tradicionale të Top Channel në qarqet Tiranë dhe Durrës. Abonentët e “Digitalb” e kanë tashmë të listuar programin e Top Channel, ndërsa pjesa tjetër e teleshikuesve duhet të kenë një dekoder DVB-T2.
Dekoderi DVB-T2 kushton 2990 lekë dhe së bashku me të gjithashtu fitoni kartën smart dhe abonimin një mujor familjar të kanaleve digitale.
Në momentin që nuk bëni abonimin digjital, dekoderi DVB-T2 do të ofroj falas kanalet televizive më një cilësi më të mirë. Në çdo pikë të dyqani digjital stafi do të jetë aty për të dhënë udhëzimet se si lidhet dekoderi DVB-T2 me televizorin.
Të gjithë qytetarët që duan të ndjekin Top Channel dhe kanalet digjitale dhe kanë televizor të vjetër duhet të pajisen me dekoderin DVB-T2. Ndërsa ata persona, të cilët kanë televizor të ri të tipit DVB-T2, e kanë të inkorporuar dekoderin që do të thotë nuk kanë nevojë të blejnë një të tillë të ri.
Top Channel
