E pyesin për marrëdhënien me Bill Clintonin, Lewinsky braktis intervistën

Përmes rrjetit social “Twitter”, ajo shpjegoi arsyen e largimit, për shkak të asaj që ajo e cilësoi si pyetje “tej limiteve”.

so here’s ?? what happened… pic.twitter.com/Y7gLs3SDLF

— Monica Lewinsky (@MonicaLewinsky) September 3, 2018

Gjithsesi, media izraelite “Channel 2 News” e falënderoi Lewinskyn dhe tha se respektonte “ndjeshmërinë” e saj mbi pyetjen e bërë.

Ish-praktikantja e Shtëpisë së Bardhë e ka thënë prej kohësh se, marrëdhënia e saj me Clintonin ishte “abuzim i rëndë pushteti” nga ana e tij. Lewinsky ishte 22 vjeç kur u përfshi nga një lidhje romantike me ish-presidentin e asaj kohe, plot 27 vite më të madh.

Lewinsky kishte mbajtur një fjalim në Jeruzalem mbi rreziqet dhe anët e mira të internetit dhe medieve sociale. Por, në momentin që asaj iu bë pyetja e papërshtatshme nga prezantuesja e “Channel 2 News”, Levi Yonit, ajo preferoi të ngrihej me qetësi e të largohej nga intervista.

.@MonicaLewinsky walking out abruptly on @LeviYonit (chief anchor at @NewsChannelIL ) few seconds into her on stage live Interview after being asked: do you still expect a personal apology from Pres. Clinton. “Sorry, i cant do this”. pic.twitter.com/ZN3BiGViwF

— ‏Tal Schneider טל שניידר تال شنايدر (@talschneider) September 3, 2018

Në një shkrim për “Vanity Fair” të vitit 2017, ajo ishte shprehur se çështja në fjalë kishte bërë që ajo të diagnostikohej me çrregullime stresi posttraumatik, pasi u godit publikisht nga mediet, nga rrjetet “online” dhe nga gjykata.

Në deklaratën e publikuar më vonë në Twitter, ajo tha se intervista në Jeruzalem duhej të ishte një “bisedë në vazhdën e temës së fjalimit të saj, jo një intervistë lajmesh”.

Pavarësisht reagimit të saj, “Channel 2 News” u justifikua se kishte zgjedhur të respektonte vendimin e Lewinskyt, edhe pse “pyetja e bërë ishte legjitime, e denjë dhe respektuese, dhe se në asnjë mënyrë nuk kishte shkuar përtej kërkesave të Lewinskyt”.

Top Channel