Referendumi në Maqedoni, Brukseli apelon votë pro integrimit në BE dhe NATO

Deputeti dhe raportuesi për politikë të jashtme të grupit parlamentar të Partisë Socialdemokrate të Gjermanisë, Nils Shmid tha se referendumi i 30 shtatorit nuk ka të bëjë vetëm me çështjen e emrit, por edhe me integrimin e vendit në Bashkimin Europian, ndaj është në duart e qytetarëve, nëse duan ta arrijnë trenin për në BE.

“Varet nga ju, që Maqedonia të kapë trenin për në BE. Është referendumi. Është në duart tuaja, në duart e të gjithë qytetarëve të Maqedonisë, kudo që jetojnë, të cilësdo përkatësie fetare, etnike dhe politike qofshin, që përmes referendumit ta zini trenin për në BE. Çështja e emrit nuk mund të ndahet nga integrimi në NATO dhe BE. Prandaj pyetja e referendumit është e përshtatshme. Sepse nuk ka të bëjë vetëm me emrin, por me integrimin në BE ose jo”, u shpreh Nils Shmid, deputet gjerman.

Edhe nga qeveria folën në gjuhën e panelistëve majtistë në konferencën ndërkombëtare “Maqedonia shikon përpara: Është momenti të kapet treni për në BE”. Nëse referendumi rezulton i suksesshëm, qeveria premtoi implementimin e politikave majtiste: trefishimin e ndihmës sociale, dyfishimin e pagës së mjekëve specialistë, shërbim shëndetësor falas, e kështu me radhë.

Top Channel