Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Pavarësisht një sezoni merkatoje pa shumë bujë, Napoli i Ancelottit bind dhe është sërish mes pretendentëve për të fituar në Serinë A.
Skuadra e kaltër iu imponua Lazios në “Olimpico”, duke e mposhtur me rezultatin 1-2 dhe mbi të gjitha pasi ishte në disavantazh të një goli.
Ciro Immobile zhbllokoi sfidën e sotme, duke shënuar një gol mjaft të bukur për Lazion, në minutën e 25-të, por Arkadiuz Milik riktheu baraspeshën në shtesën e pjesës së parë.
Fati i takimit u vendos në minutën e 59′, kur Lorenzo Insigne shënoi një supergol, pas një aksioni të nisur nga këmbët e Hysajt. Sulmuesi mori topin në zonë dhe goditi menjëherë, duek gjetur trekëndëshin e Strakoshës, që nuk pati asnjë mundësi reagimi.
Duhet theksuar se Lazio luajti vetëm në minutat e para dhe më pas u zgjua kur kaloi në disavantazh, por nuk arriti të shkojë më shumë se një shtyllë dhe doli “duarbosh” nga java e parë e kampionatit.
Nga ana tjetër, Napoli i Ancelottit nuk ëshët aq argëtues sa në kohën e Sarrit, por u pa qartë që tashmë është shumë më cinik, pasi shfrytëzon në maksimum mundësitë e shënimit dhe mbrohet me kujdes.
Top Channel
