Artisti i madh Gaqo Çako u nda nga jeta në moshën 83 vjeçare. Ai ishte një nga emrat e mëdhenj të Panteonit të muzikës shqiptare.
Në vitet 1957-1961 studioi në konservatorin “Çajkovski” të Moskës dhe pas kthimit në Shqipëri u emërua tenor i përhershëm i Teatrit të Operës dhe Baletit të Tiranës, ku këndoi shumë nga rolet e para të repertorit operistik, duke u bërë kështu tenori kryesor për tri dekada me radhë.
Përvoja dhe karriera e tij mjaft e pasur në operat “Traviata”, “Bohema”, “Rigoleto”, “Norma”, etj, si dhe operat shqiptare “Mrika”, “Lulja e kujtimit”, “Pranvera”, “Skënderbeu”, “Toka e jonë” etje, Pjetër Gacit, etj, e bënë atë me një karrierë të shkëlqyer.
Por Gaqo Cako nuk qendroi vetem ne opera. Ai u popullarizua nëpërmjet këngës, veçanërisht atyre të Festivaleve të Radios dhe televizionit shqiptar dhe ka interpretuar disa nga kenget me te mira te muzikes shqiptare.
Vitet e fundit u ringjit në skenë në disa spektakle që rikthyen muzikën shqiptare më të mirë të një shekulli.
Ai është babai i këngatarit gjithashtu të mirënjohur, Pirro Çako.
Top Channel
