Pishinat e ndotura, rriten rastet e infeksioneve
30/07/2018 15:24
Tentoi të vriste një person në 2021-shin, vihet në pranga pas tre vitesh arrati autori 24/11 10:25
Ditët e nxehta të korrikut kanë shtuar edhe frekuetimin e pishinave nga ata të cilët ende nuk janë nisur ende me pushime.
Por mbipopulimi i tyre si dhe mos respektimi i higjienës brenda në pishinë, ka bërë që dhjetëra fëmijë të vegjël, të paraqiten tek mjeku dermatolog për shkak të infeksioneve bakteriale që kanë marrë nga uji i pishinës.
Sipas mjekes dermatologe, Erjona Shehu, i shpeshtë është shfaqja e mykut në këmbë tek fëmijët e vegjël.
Mjekët i bëjnë apel nënave që të bëjnë kujdes me higjienën e fëmijëve para se t’i fusin në pishinë, por edhe më pas. Ata këshillojnë që të mos përdoret i njëjti peshqir.
Pronarët e këtyre bizneseve tanimë janë ndërgjegjësuar për të filtruar dhe klorinuar ujin sipas parametrave të duhura, mbetet në ndërgjegjen e gjithsecilit të respektojë kushtet e higjienës personale, më parë se të futet në pishinë.
Top Channel
