Pas vendimit të Gjykatës Kushtetuese/ Taksat e paguara të profesionistëve të lirë do të kthehen në dhjetor
21/11 17:52
Gent Sejko, guvernatori i Bankës së Shqipërisë, doli në një deklaratë për mediat ditën e sotme, ku deklaroi se gjatë tremujorit të parë të vitit ekonomia u rrit me 4.45% në krahasim me të njëjtin tremujor të vitit të mëparshëm.
“Sipas të dhënave zyrtare të INSTA-it, ekonomia shqiptare u rrit me 4.45% në tremujorin e parë të vitit. Të dhënat indirekte që disponojmë sugjerojnë po ashtu për norma pozitive rritjeje gjatë tremujorit të dytë”, tha guvernatori.
Sipas tij, nga këndvështrimi sektorial, zgjerimi i aktivitetit ekonomik është mbështetur kryesisht nga rritja e sektorit industrial, dhe në veçanti nga rritja e prodhimit dhe eksportit të energjisë elektrike.
“Nga këndvështrimi i kërkesës agregate rritja ekonomike është ndihmuar nga zgjerimi i konsumit privat, i investimeve totale dhe i eksportit të mallrave e shërbimeve, por ajo është frenuar nga rritja e importeve”, deklaroi Sejko.
Top Channel
