Ligjvënësi republikan: Trump i shqetësuar nga përshkallëzimi i konfliktit mes Rusisë dhe Ukrainës 24/11 22:35
Tetë muaj më parë, Malala pushtoi mediet në mbarë botën. Ajo do të ishte studentja më e re e Universitetit të Oksfordit.
Sot 8 muaj më pas, 20-vjeçarja fituese e çmimit Nobel për Paqen duket se është përshtatur më së miri me jetën studentore.
Aktivistja e të drejtave të grave nga Pakistani, e cila në vitin 2012 u qëllua për vdekje nga talebanët, në tetor nisi studimet në Oksford dhe është një nga studentet e dalluara. Por, ajo çfarë bie në sy është jeta që bën sot Malala. Ka shumë miqësi, bën një jetë aktive, luan polo, shijon jetën e natës, madje është zgjedhur në krye të këshillit që organizon festat studentore.
Por, përtej jetës normale, Malala shoqërohet kudo nga dy truproja të armatosur, oficerë policie, njëri prej të cilëve qëndron jashtë derës së dhomës së gjumit të saj. Miqtë e saj dhe studentët e Oksfordit thonë se e respektojnë Malalën dhe hapësirën e saj, jo thjesht për faktin se është një nga vajzat më të famshme në të gjithë botën.
Malala është zgjedhur nga Komiteti i Universitetit për të organizuar edhe ballot zyrtare të saj, si dhe sekretare e përgjithshme e organizimit të festave. 20-vjeçarja nga Pakistani ka zgjedhur të përshtatet me jetën perëndimore, edhe në stil, duke hequr dorë nga fustanet e gjata tradicionale, duke i zëvendësuar shpeshherë edhe me xhinse e veshje sportive apo taka, duke iu përshtatur vendit ku jeton.
Top Channel
