Fotot/ Rama inspekton Qendrën Multifunksionale për Zhvillim Rajonal dhe aeroportin e Vlorës: Shtysë e re për turizmin
28/11 15:12
Me koordinatorët e bashkëqeverisjes përballë, Edi Rama tha se vazhdon të rritet numri i qytetarëve që i janë drejtuar platformës online për të zgjidhur problemet që kanë me administratën.
“Janë 8264 ata që kanë marrë zgjidhje në vend të zvarritjes”, tha Rama.
Sipas Kryeministrit, platforma të lejon një akses te ministrat që Rama thotë se nuk e kanë as deputetët.
“Deputetet ankohen se ministrat nuk hapin telefonin. Ju keni akses direkt te ministri”, u shpreh Rama.
Për skeptikët që i ankohen përmes mesazheve në “Facebook”, Rama kishte një sfidë.
“Hallall të gjitha, ironitë, gallatat, por provojeni njëherë platformën se merr po aq kohë sa një koment”, tha Rama.
Kryeministri ishte edhe Panairin e Punës që u hap në Durrës, stendat e të cilit ofrojnë mbi një mijë vende të lira pune.
“Zhvillimi ekonomik ka sjellë një nevojë më të madhe jo vetëm për vende pune, por për vende pune me disa kualifikime të caktuara”, u shpreh Edi Rama.
Sipas Ramës, vetë tregu i punës tregon nevojën e fuqizimit të arsimit profesional.
Top Channel
