Arrëthyesi në TKOB, baleti emblematik i festave vjen nën koreografinë e Edi Blloshmit 27/12 20:01
Ansambli autokton “Rugova” nga Kosova u shpall fitues me çmimin e parë në edicionin e 16-të të Festivalit Folklorik Sofra Dardane që u zhvillua në qytetin e Bajram Currit.
Grupi nga Kosova u vlerësua për performancën dhe motivet origjinale si në këngë ashtu dhe koreografi. Çmime u ndanë dhe kategori të tjera. Kryetari i jurisë maestro Ermir Dizdari tha se përzgjedhja ka qenë e vështirë.
“Në të gjitha rastet juritë e kanë këtë vështirësi. Unë kam marrë pjesë në shumë festivale në juri po sot e kishim vërtetë shumë të vështirë se kishte prurje jashtëzakonisht të mirë”, thotë Ermir Dizdari, kompozitor kryetar i jurisë.
“Vlen për tu përmendur koreografinë e ardhur nga Ansambli i këngëve dhe valleve nga Kaçaniku, grupi i Kaçanikut”, shprehet Deli Metaliaj, koreograf, anëtar i jurisë.
Jashtë garës performoi reperi Stresi. Në edicionin e 16-të të Sofres Dardane që u zhvillua për tre ditë rresht në Bajram Curri morën pjesë grupe e asamble foklorike nga të gjitha trojet shqiptare, nga Kosova, Maqedonia, Mali i Zi, Çamëria dhe Diaspora.
Top Channel
