Hapet sezoni turistik, Xhafaj: Masa të forta për motorët e ujit dhe zhurmat
05/06/2018 18:36
BE qëndrim të qartë ndaj Greqisë për mosmarrëveshjet me Shqipërinë dhe Maqedoninë e Veriut: Nuk duhet të pengojnë anëtarësimin 08/05 11:22
Në hapjen e sezonit turistik në Orikum, ministri i Brendshëm, Fatmir Xhafaj u shpreh se këtë vit policia synon të ofrojë më shumë rend dhe më shumë siguri për pushuesit shqiptarë, por edhe për ata të huaj.
Xhafaj u shpreh se janë forcuar masat për motorët e ujit, masa të forta për zhurmat, ndërsa foli për lehtësira në pikat doganore për pushuesit.
“Kemi forcuar masat për një kontroll shumë të fortë ndaj motorëve të ujit, deri në sekuestrimin e tyre, duke marrë shkas nga viti i kaluar kur ka pasur edhe pushues që kanë humbur jetën. Do të ketë masa shumë më të forta lidhur me mjedisin në zonat turistike lidhur me zhurmat. Do të ketë edhe lehtësi të lëvizjes në pikat kufitare për shqiptarët, kosovarët, por edhe për turistët e huaj. Do të ketë një kontakt edhe me operatorët turistë për të marrë masa për lehtësira. Nuk zgjidhet gjithçka me policisë, por secili duhet të bëjë detyrat e tij. Ne do të ofrojmë më shumë rend dhe siguri për të gjithë pushuesit në këtë sezon”, tha Xhafaj.
Top Channel
