Debate në KLP, Tiranës dhe Elbasanit i mungojnë 51 prokurorë
18/07 21:17
Foto Arkiv
Shërbimi përmbarimor në Durrës ka zbuluar në një banesë sasi të konsiderueshme armësh zjarri, që dyshohet se përdoren nga një vrasës me pagesë.
Menjëherë është vënë në dijeni Policia e Shtetit, që gjatë kontrollit në apartamentin e sekuestruar në afërsi të vendit të njohur si Shkëmbi i Kavajës ka arritur që të sekuestrojë në cilësinë e provës materiale një armë zjarri e llojit snajper, një automatik, një pistoletë, katër silenciatorë dhe krëhera fishekës të llojeve të ndryshme.
Janë gjetur gjithashtu edhe një sasi e vogël droge e llojit marijuanë, si dhe fenelina, mjete dhe veshje të policisë së shtetit, po ashtu edhe maska.
Nga mjetet e sekuestruara, dyshohet se autori ose autorët që i zotërojnë këto armë ushtrojnë aktivitetin e tyre kriminale si vrasës me pagesë, por edhe grabitës.
Policia thotë se shërbimi i Përmbarimit ka shkuar në apartamentin e mësipërm për të bërë të mundur ekzekutimin e një vendimi për dorëzimin e apartamentit bankës.
Apartamenti posedohet aktualisht nga shtetasi Xh.L., i cili është shpallur në kërkim dhe po punohet për ndalimin e tij, ndërkohë që mbetet për t’u zbardhur nëse në banesë jetonte një tjetër person apo poseduesi i tij.
Top Channel
