Një muaj, zjarri toksik. Vazhdon djegia e plastikës nën rrënojat e Everest

Nuk bëhet fjalë për zjarr sipërfaqësor, por për një zjarr të padukshëm, që vazhdon një djegie të brendshme të materialeve dhe mbeturinave plastike.

Pamjet janë regjistruar mbrëmjen e të premtes, shpesh herë mbi gërmadhat e fabrikës del një tym i bardhë që sipas ekspertëve është pasojë e shtypjes së avujve të ngopur.

Kjo tregon se nën gërmadha prodhohet ende nxehtësi, që mund të riaktivizojë zjarrin. Për këtë arsye shërbimet zjarrfikëse kanë porositur jo vetëm pronaret dhe rojet e objektit tashmë të shkrumbuar, por edhe banorët e zonës që në rast se shohin tym të bardhë të lajmërojnë menjëherë shërbimet zjarrfikëse.

Sipas eksperteve, ky fenomen mund të eleminohet nëse pjesa e poshtme e shtratit të fabrikës të kthehet përmbys. Por ky proces ka ngritur problematiken tjetër se ku duhet të transportohen dhjetëra ton mbetje plastike e djegur e cila rrezikon të kontaminojë çdo sipërfaqe ku do të hidhet.

Top Channel