Për herë të parë kryhet në Shqipëri teknika që shmang bypass-in e zemrës, ndërhyrja në spitalin e Shkodrës 26/11 09:54
Në më pak se një javë nga përurimi, Moli te Diga e Liqenit është kthyer në një pikat më të dashura për të gjithë ata që dëshirojnë të kalojnë disa orë të qeta pranë natyrës.
Fëmijë dhe të rritur kanë filluar që të mbushin molin, duke soditur pamjen e mrekullueshme që të jep liqeni, si dhe duke ndierë freskinë e tij.
Por moli “Henry Dunant”, i saporehabilituar nga Bashkia e Tiranës, është tashmë një pikë tërheqëse edhe mbrëmjeve, me ballkonin e tij panoramik “Nokturn”, duke u kthyer në një vend takimi romantik e social.
Për ta bërë edhe më tërheqës për qytetarët e Tiranës, Bashkia, në bashkëpunim dhe me “Artisanal” dhe “Marina Sportive Shqiptare” organizojnë shëtitje me varka e vela, mësime lundrimi e edukim për sigurinë në ujë.
Qëllimi është nisja e një projekti simpatik “Life On a Boat”, për ta njohur liqenin nga një këndvështrim social e atmosferë artizanale, për të afruar vogëlushët e të rinjtë me një botë e histori të veçantë e tërheqëse, por gradualisht sa më miqësore me natyrën dhe ekosistemin.
Top Channel
