Fiks Fare/ “Nëna ime ka zënë krimba”, skandal në azilin e pleqve në Fier, përgjegjësja: Lekët ua ka dhënë vetë me dëshirë
13/11 20:48
Ndërkohë që mbrëmjen e djeshme qyteti i Vlorës ka çelur zyrtarisht sezonin turistik, edhe operatorët turistikë po bëjnë përgatitjet e fundit për të pritur turistët.
Kamera e TCH ka qenë sot në disa hotele të qytetit të Vlorës, për të parë nga afër përgatitjet që po bëhen për pritjen e turistëve të huaj dhe vendas. Kreu i operatorëve turistikë të Vlorës, Vasil Bedini është shprehur se është duke iu dhënë dora e fundit përgatitjeve për të pritur turistët e huaj dhe vendas.
Qyteti i Vlorës ka rreth 2600 shtretër që do të ofrojë për akomodimin e pushuesve. Po ashtu Bedini shprehet per TCH, se ky vit është më i mbarë për Vlorës, pasi ka një bum ndërtimesh në favor të pushuesve.
Përveçse bukurisë natyrore të plazheve, Vlora ofron për pushuesit edhe zonat arkeologjike, që janë një tjetër atraksion për pushuesit. Ndërkohë që gastronomia është kryesorja për pushesit, pasi ata që kanë qenë vitin e kaluar kanë ngelur të kënaqur nga ushqimi që ata kanë shijuar, ku çdo gjë është bio.
Po ashtu në një nga hotelet e Vlorës që operon përgjatë Shëtitores, prenotimet kanë qënë të shumta, sipas punonjëses së Recepsionit deri tani që jemi në mujin Maj, prenotimet për hotelin që ajo punon janë në masën 70 %, duke bërë një krahasim me një vit më parë, këtë vit prenotimet janë më të shumta, dhe kryesisht janë të huajt ata që kanë bërë prenotimet. Dhe në ditën në vijim priten të ketë me shume prenotime.
Ndërkohë pushuesit një ditor kanë qenë të shumtë dhe ditën e sotme në Vlorë, duke shfrytëzuar dhe fundjavën ata kanë preferuar që të kalojnë një ditë ndryshe në këtë qytet, dhe për kameran e TCH kanë folur me nota pozitive për qytetin e Vlorës.
Top Channel
