Dita Botërore e Bletëve, Presidenti Begaj dhe kryebashkiaku Veliaj vizitë në kopshtin “Dielli”; Veliaj: “Kemi transformuar 101 kopshte dhe çerdhe në 8 vite” 20/05 15:33
“Rizbulojmë parkun”, është projekti që do të çelë dyert e Pallatit të Brigadave, ku në ekspozitë do të prezantohen 30 punime artistike për publikun.
Një nga monumentet e historisë dhe peizazhit urban i kthehet publikut si një nga pikat më të rëndësishme të atraksionit ambiental, historik, monumental dhe turistik të Tiranës.
Tridhjetë punime (vizatime, akuarele, pastele) do të prezantohen në ekspozitën e titulluar “Rizbulojmë Parkun”, duke përfaqësuar mbresat e artistëve të rinj, ndërkohë që qytetarët njëkohësisht do të mund të zbulojnë skulpturat, kopshtet, arkitekturën e ndërtesave dhe bukuritë e fshehura prej kaq vitesh të këtij Parku.
Për të zbuluar parkun vizitorët do shoqërohen jo vetëm nga një guidë që rrëfen më shumë rreth historisë dhe vlerave kulturore e mjedisore, por edhe nga tingujt e muzikës së harqeve të Liceut Artistik.
Ekspozita “Rizbulojmë Parkun” do të qëndrojë e hapur për qytetarët nga data 12-13 Maj, ora 11:00-17:00 tek Pallati i Brigadave.
Prej tre vitesh Bashkia e Tiranës ka ndërmarrë një sërë iniciativash për të afruar qytetarët dhe veçanërisht të rinjtë me artin, por njëkohësisht edhe me këto atraksione turistike të qytetit.
Top Channel
