Shefja e ONM-së, Genoveva Ruiz Calavera shoqëruar dhe nga drejtori për zgjerimin në KE, Christian Danielsson është takuar me institucionet e vetingut në Shqipëri dhe mesazhi që ka dhënë është mjaft i fortë.
“Rivlerësimi i magjistratëve në Shqipëri është thelbësore për të zhdukur korrupsionin dhe për të ndërtuar një gjyqësor të vërtetë profesional. Institucionet e Vetingut kryejnë një mision historik, me monitorimin e ONM-së. I inkurajoj ata që të vazhdojnë në mënyrë rigoroze dhe të pavarur”, shkruan në profilin e saj në Twitter Calavera.
Ndërsa vetë Danielsson thotë në postimin e tij se shteti ligjor nuk mund të negociohet. “Një sistem drejtësie i pavarur dhe i përgjegjshëm është thelbësor për mirëqenien e shoqërive. Shteti ligjor nuk negociohet. Mbetemi të angazhuar të monitorojmë procesin e vetingut rigorozisht”, shkruan Danielsson.
Top Channel
