Nesër mbledhja në Bruksel për miratimin e raportit të IBAR, Rama: Ne na përfaqëson KE. Vendet anëtare tani pyesin vetëm për piketat përmbyllëse të negociatave 11/05 13:20
Partia Demokratike akuzon ministrin Fatmir Xhafajt, se vetingu në polici është thjesht një show, përsa kohë nuk nis nga “koka”
“Ministri gënjen duke bërë fushata nëpër rrethe duke lajmëruar nxjerrjen e Shqipërisë nga harta e drogës, por nuk sheh dhe dëgjon lajmet për tonelatat e drogës Made in Albania në brigjet italiane apo greke. Agron Xhafaj thote se suksesi i qeverisë është lufta e policisë kundër kanabisit, por çdo shqiptar e di se në Shqipëri nuk pati asnjë operacion për ndalimin e kultivimit të kanabisit. Pati vetem urdher te kryeministrit për krimin e organizuar që te ndalojnë mbjelljen, i njëjtë me vullnetin që i lejoi ta shndërrijnë Shqipërinë në Kanabistan! Ministri i Brendshëm Agron Xhafaj, me propagandë komuniste, bërtet e përbetohet se bandave të krimit u ka hyrë tmerri, por nga ana tjetër mafiozët e lidhur me politikën mbretërojnë madje shfaqen me kostumin e politikanit apo kryebashkiakut në krah të tij. Vettingu në polici nuk e zgjidh problemin, sepse, siç thotë fjala e urtë “peshku qelbet nga koka” dhe kokat e medha të qeverisë janë në dijeni te trafikut të drogës të bërë nga familjaret e tyre. Vettingu në polici do të jetë i paplotë përsa kohë ministri i Brendshëm, Agron Xhafaj dhe kryeminsitri Olsi Rama refuzojnë të bëjnë vettingun e tyre”, deklaroi demokrati Enkelejd Alibeaj.
Vetingu është një shovv thotë ai, përsa kohë “Shqipëria qeveriset nga një bandë që kontrollon drejtësinë dhe çdo pushtet tjetër, nga një kryeminister, lidhjet e të cilit me krimin janë pengesë për Shqipërinë europiane”.
Ndërsa për Saimir Tahiri ai tha se dy ditë pas dorëheqjes së tij nga mandati i deputetit vazhdon të jetë i lirë. “Si Ponc Pilati kërkoi që tashmë të hiqte nga kurrizi barrën e rëndë të njollës së zezë që i ka vënë vendit dhe të ardhmes së tij. E në fakt ka 6 muaj që ethet e kanë zënë. Ka 6 muaj që, tamam në një mërrëdhnënie mes mafiozësh, kur ai lëshon ST dhe ST kërcënon ER se do ta tërheqë zvarrë atë ne ferr nëse e lëshon, bërin gjithcka për të shpëtuar lëkurën e vet. Nuk ia dorëzoi drejtësisë, 6 muaj më parë, duke iu bërë barrikadë me imunitetin. Në këto 6 muaj, Edi Rama shkatërroi reformën e drejtësisë, duke e rrëmbyer si një kriminel i vërtetë, Prokurorin e Pergjithshëm dhe duke e vendosur nën këmbë Drejtësinë. Në këto 6 muaj, nuk ia dorëzoi drejtësisë Saimir Tahirin, më justifikimin se nuk kishte prova dhe ndërkohë shkatërroi çdo provë që do të inkriminonte ministrin e tij të preferuar dhe atë vet”, tha Alibeaj.
Top Channel
