Fshati Drobonik i njësisë administrative Velabisht në Berat shquhet për prodhimin e qershive.
Me mijëra hektarë toke kanë zënë sipërfaqen e këtij fshati të mbjella me qershi, por fermerët shprehen se prodhimi u shkon dëm pasi nuk kanë rrugë për ta nxjerrë produktin në treg.
Prej shumë vitesh në këtë aks rrugor nuk është bërë asnjë investim edhe pse kjo rrugë është pjesë e rrugës nacionale Berat-Përmet. Në kohë fushatash thonë fermerët vijnë hedhin pak çakull në rrugë dhe pastaj zhduken deri në zgjedhjet e ardhshme.
Tregtarët që grumbullojnë produktin e fermerëve të Drobonikut thonë se rruga i penalizon shumë.
Zona e Velabishtit është një nga zonat që dallohet për prodhimin e ullinjve të Bilçës, vreshtat e Malinatit dhe qershitë e Drobonikut, por mungon vëmendja e qeverisë për t’u ardhur ne ndihmë fermerëve.
Top Channel