Rumania mban zgjedhjet presidenciale/ 13 kandidatë në garë për postin e kreut të shtetit 24/11 09:43
Gjermania po redukton borxhin e saj publik me një shpejtësi më të madhe nga sa është parashikuar dhe pragun prej 60 për qind të Prodhimit të Brendshëm Bruto pritet të zbresë një vit para afatit të vendosur si objektiv.
“Der Spiegel” raporton se në programin e ri të stabilitetit, që pritet të miratohet nga kabineti i Angela Merkel këtë të mërkurë, parashikohet rënia e borxhit në 58 për qind për 2019, nga 61 për qind që projektohet të mbyllet ky vit.
Në të tilla shifra, rënia e borxhit përmbush objektivin e vendosur nga Pakti i Stabilitetit dhe Zhvillimit i Bashkimit Europian, që cakton tavanin e borxhit prej 60 për qind të GDP-së për çdo vend anëtar.
Mediat dhe analistët gjermanë thonë se realizimi i këtij objektivi një vit para afatit të vendosur nga qeveria e shkuar e Angela Merkel është rezultat i rritjes së të ardhurave të siguruara nga taksat, por edhe “bumit” në sektorin e rinovueshëm energjitik, që në vitet e fundit ka tejkaluar pritshmëritë e prodhimit.
Top Channel
Rumania mban zgjedhjet presidenciale/ 13 kandidatë në garë për postin e kreut të shtetit 
