Durrës, sekuestro preventive hotelit për “ndërtim të paligjshëm”
06/04/2018 15:52
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Prokuroria e Rrethit Gjyqësor Durrës ka regjistruar një procedim penal ndaj një shtetasi, për ndërtimin e një shtese 3-katëshe në mënyrë të paligjshme.
Shtetasi D. M. rezulton të ketë ngritur 3 kate pa leje mbi një objekt ekzistues 6-katësh dhe një kat nëntokë, që shërben si hotel në lagjen nr. 13 të qytetit bregdetar, pranë rrugës “Venezia”.
Regjistrimi i këtij procedimi penal është bërë më 23 shkurt të këtij viti, ndërsa i hetuari do të ndiqet penalisht për veprën e ndërtimit të paligjshëm kryer për qëllim përfitimi.
Prokuroria ka vendosur masën e sekuestros preventive për 3 katet shtesë, pas shkuarjes në vendngjarje dhe identifikimit të objektit në fjalë, një kërkesë që është pranuar nga gjykata.
Top Channel
