Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një indinjatë të thellë kanë shkaktuar pamjet e përfunduara nëpër rrjetet sociale, të policisë franceze që nxirrte jashtë një treni një emigrante shtatzënë. Pamjet janë publikuar nga 3 studentë francezë e kanë bërë xhiron e botës.
Gruaja kapet nga agjentët prej duarsh e këmbësh, pas një kontrolli që u shoqërua mes britmash dhe protestash. Sipas asaj që shkruan e përditshmja “Nice Matin”, emigrantja udhëtonte me familjen e saj me trenin e nisur nga Ventimiglia në Itali, por u detyrua të zbriste përpara kohe në Mentone.
“Duhet të zbrisni, urgjentisht!”, ulërisnin agjentët në videon e publikuar, ndaj një mashkulli që iu kundërpërgjigj në anglisht:
“Përse po më arrestoni? Jam me gruan shtatzënë”.
Bashkëshorti i shtatzënës kishte refuzuar t’i tregonte dokumentet agjentëve, të cilët vendosën ta zbrisnin atë familjarisht. Por situata degjeneroi në një sherr mes tij dhe atyre. “Mos e prekni gruan time, është shtatzënë”, ulëriste ai.
Des CRS s'en sont violemment pris à un couple et à ses enfants lors d'un contrôle au faciès le 16 février en gare de Menton. La femme, enceinte, a fait un malaise et à été traînée sur le quai après que les CRS ont tenté de prendre leurs enfants pour les faire sortir du train
Posted by Martin Eden on Tuesday, March 27, 2018
Pamjet u xhiruan me celular nga 3 studentë në Universitetit të Kanës, që ishin duke u rikthyer nga Ventimiglia, një qytezë pranë kufirit italo-francez, pikërisht nga një punimet për një reportazh mbi situatën e emigrantëve në këtë kufi.
Edhe 3 studentët përfunduan nën kontrollin e policisë. Videoja e xhiruar në shkurt u dorëzua në autoritetet përgjegjëse për të hetuar mbi dhunën e policisë. Më 27 mars ajo përfundoi në internet, duke shkaktuar polemika e indinjatë.
Top Channel
