Gjyqi ndaj Trump, përfundon dhënia e dëshmive! Juria do marrë vendimin nëse ish-presidenti do shpallet fajtor 21/05 22:43
Gjysma e fluturimeve në Europë mund të jenë vonuar gjatë kësaj të marte, kjo për shkak të një problemi në një nga sistemet e përdorura për të menaxhuar trafikun ajror.
Organizata europiane për Sigurinë e Fluturimeve tha se, thuajse 15 mijë fluturime të planifikuara në Europë mund të kenë mbërritur ose të mbërrijnë me vonesë në destinacion.
Planet e emergjencave, ndërkohë, kanë reduktuar kapacitetin e rrjetit me 10 për qind. Problemi pritet të zgjidhet në orët e vona të ditës.
Grupi për sigurinë, që njihet edhe me emrin e shkurtuar të tij “Eurocontrol” thotë se, ka pasur një problem në sistemin e tij të menaxhimit të trafikut ajror.
As from 1520 UTC, we have reopened the access to its flow management system while remaining in Procedural Contingency mode. This is the next step in re-establishing normal Network Manager operations, which is expected later tonight.
— EUROCONTROL (@eurocontrol) April 3, 2018
Sistemi funksionon në bazë të krahasimit të kërkesave dhe kapacitetit të sektorëve të ndryshëm të trafikut ajror.
“Vet kontrolli i trafikut ajror nuk është prekur në mënyrë të drejtpërdrejtë”, thotë “Eurocontrol”, e sipas tij nuk ka pasoja në siguri nga ky incident.
“Planet e emergjencave do të mbahen operative për disa orë, derisa ne të jemi të sigurtë se ka të dhëna të mjaftueshme në sistem për të lejuar operimin në mënyrë korrekte”, njofton “Eurocontrol”.
Top Channel
