Beleri kandidat në Greqi për eurodeputet, Babaramo: Figura e ekstremit të djathtë grek, një njeri me 4 klasë shkollë që e flet greqishten copë-copë 18/04 22:46
Partia Demokratike është një muaj larg mbajtjes së Kuvendit Kombëtar. Duket e vakët ende mundësia për një afrim të të pakënaqurve, ndonëse takimet nuk kanë munguar.
Një shtysë e dha një konvente e të përndjekurve politikë për gjetjen eshtrave të të pushkatuarve në kohën e diktaturës.
Tomor Alizoti para disa muajsh u dorëhoq në shenjë proteste nga kreu i departamentit të të përndjekurve politikë në PD. Pasi rrëfeu krimin hoxhist mbi familjen tij dha këtë mesazh duke e parë në sy Lulzim Bashën.
“Mendimi ndryshe është thelbi i demokracisë. Tradhtarë ka vetëm në bolshevizëm sepse sistemi totalitar ka lënë pasoja në Shqipëri. O me mua o kundër meje”, tha Alizoti.
“Boleshevike është edhe pagabueshmëria e liderit, unë nuk jam i pagabueshëm. Ndaj kërkoj nga ju të më njihni të drejtën që i njoh gjithsecilit nga ju të gjithë demokratëve, të drejtën për reflektim. Eja Tomorr! Ejani të gjithë ju! Le të bashkohemi në gjirin e Partisë Demokratike”, u shpreh Basha.
Pas zgjedhjeve të 25 qershorit Alizoti u rreshtua në grupin e kritikëve që kërkoi dorëheqjen e kryetarit të partisë. Ai dha dorëheqjen nga posti ku e pat komanduar Lulzim Basha e si rrjedhojë la vendin e tij bosh edhe në Kryesinë e Partisë Demokratike.
Top Channel
