Ngricat mbërthejnë Veriun, probleme në qarkullim
24/03/2018 12:01
Aksident në tunelin e Kalimashit, përplasen 2 automjete tip “Benz”! Plagosen 2 pasagjerët 01/05 20:04
Dëbora ka pushtuar Veriun e vendit, me ngrica dhe temperatura nën zero gradë. Situata më e rëndë duket të jetë në Bulqizë, atje ku termometri ka shënuar -7 gradë Celsius, ndërsa dëbora dhe ngrica ka paralizuar rrugët nacionale dhe rurale.
Megjithatë, aksi rrugor Bulqizë-Peshkopi është i kalueshëm me zinxhirë. Aksi Qafë e Buallit-Krastë kalohet me zinxhirë, por me shumë vështirësi, për shkak të ngricave në rrugë. Po ashtu edhe aksi Qafë e Buallit-Klos.
Aksi Qafë e Buallit-Zona D është i kalueshëm me zinxhirë me shumë vështirësi, ndonëse herë pas here bllokohet.
Gjatë ditës së sotme, minatorët e Zonës D nuk arritën të shkojnë në punë për shkak të ngricave dhe dëborës së madhe.
Ndërkohë Ura e Cerenecit-Stëblevë mbetet e bllokuar për shkak të reshjeve të dendura të dëborës. Të bllokuara raportohen të jenë edhe njësitë administrative Trebisht, Ostren, Martanesh, si dhe më shumë se 70% e fshatrave të njësive Zerqan, Shupenzë, Fushë Bulqizë.
Top Channel
