Ditë Vere edhe në Gjirokastër, qytetarët mblidhen në Parkun e Viroit
14/03/2018 15:19
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Qindra qytetarë kanë mbushur parkun e liqenit të Viroit në Gjirokastër për të festuar Ditën e Verës. Festa që po fillon të kthehet në traditë është duke rivitalizuar parkun, që sipas qytetarëve duhet të jetë çdo ditë aktiv dhe të shtojë shërbimet.
Një ekspozitë pikture e realizuar nga fëmijë dhe të rinj ishte pjesë e aktiviteteve të festës.
Parku i liqenit të Viroit grumbulloi sot në një koncert live shumë këngëtarë që sollën pjesë të repertorit të tyre por edhe që i janë gëzuar një dite të bukur pranverore me diell dhe gjelbërim.
Kreu i Drejtorisë së Kulturës në bashkinë e Gjirokastrës Kudret Aliko tha se aktivitetet do të mbushin gjithë ditën por qëllimi bazë është promovimi i parkut të Viroit.
Për të pranishmit simbolikisht janë ndarë veroret, që vendosen në datën 14 Mars dhe që sipas traditës në Gjirokastër hiqen nga dora kur shihet dallëndyshja e parë.
Top Channel
