Fermerët braktisin tokën, 100 hektarë ngelen djerrë në Rrogozhinë
03/03/2018 20:33
Sherr mes 5 personave në Kukës, nis hetimi për një prej tyre, 4 të tjerët në kërkim! Masë disiplinore për policët që nuk parandaluan ngjarjen 23/04 16:20
Mungesa e sistemit të vaditjes, çmimi i lartë i mekanikës bujqësore, çmimi i naftës dhe pesticideve dhe farave, janë shkaku që 100 hektarë toke në komunën Gosë të Rrogozhinës të braktisen nga fermerët.
E shtirë në një reliev mjaft të mirë me kushte atmosferike janë shumë të favorshme për të mbjellë, kjo sipërfaqe toke mbetet djerrë.
“Kemi rreth 5 vite që e kemi braktisur, pasi çdo gjë është e pamundur. Në verë kanalet nuk sjellin ujë në tokat tona, ndërsa në dimër tokat na përmbyten nga mungesa e pastrimit të këtyre kanaleve. Një vit më parë, një investitor i huaj erdhi mbolli rreth 20 hektar domate, por ai nuk ndenji më shumë se 6 muaj, pasi nuk iu dha asnjë ndihmë për të çuar ujin në sipërfaqen e mbjellë. Nga ana e shtetit ndjehemi të braktisur, pasi asnjëherë nuk kemi përfituar subvencionime”, shprehen fermerët.
Fermerët kërkojnë ndihmë për investimet e mëdha sepse me ritmet e braktisjes, sipërfaqja e tokës që do mbetet djerrë do jetë shumë më e madhe.
Top Channel
