Debate në KLP, Tiranës dhe Elbasanit i mungojnë 51 prokurorë
18/07 21:17
Me akuzën e trafikut ndërkombëtar të drogës, të mbetur në tentativë, Donaldo Lushaj dhe Armando Pezaku dolën para gjykatës për t’u njohur me masën e sigurisë.
Për shkak të ndjeshmërisë së çështjes dhe hetimeve që vijojnë, Prokuroria kërkoi nga gjykata që seanca të zhvillohet me dyer të mbylluara.
Donaldo Lushaj dhe Armando Pezaku u arrestuan për 613 kilogramët kokainë të sekuestruar më 28 shkurt në Durrës.
Avokatët Petrit Serjani dhe Maksim Haxhiaj mbrojnë dy të ndaluarit. Ky i fundit mohoi akuzat e ngritura kundër klientit të tij.
“Klienti im është punëtor i thjeshtë që paguhej 250 mijë lekë”, tha ai.
Sasia rekord e kokainës u kap në dyshemenë e modifikuar të një kontenieri, me banane të porositura nga kompania “Arbëri Garden”. Donaldo Lushaj u prangos si menaxher i kompanisë, ndërsa Armando Pezaku si drejtues i kamionit që transportoi drogën.
Top Channel
