“Nga vijnë armët? Nga Marsi?”/ Këshilltari i liderit suprem: Irani përgatitet t’i përgjigjet sulmeve të Izraelit 24/11 17:34
Presidenti rus Vladimir Putin ka urdhëruar një ndërprerje ditore për qëllime humanitare të luftimeve në enklavën siriane të Ghoutës Lindore.
Urdhri do të nisë të martën dhe përfshin edhe krijimin e një “korridori humanitar” për të lejuar evakuimin e civilëve.
Zona e kontrolluar prej rebelëve është vënë nën bombardimet intensive të qeverisë siriane, me mbështetjen e padiskutueshme të Rusisë, për më shumë se një javë. Ato kanë sjellë më shumë se 540 të vdekur, sipas fondacioneve bamirëse të shëndetësisë, shumë prej të cilëve fëmijë.
Ishte pikërisht ministri rus i Mbrojtjes, Sergei Shoigu, ai që shpalli njoftimin, duke thënë se armëpushimi do të hyjë në fuqi nga ora 9 deri në 14 me atë lokale, përditë. Ai shtoi se detaje të mëtejshme për “korridorin humanitar” do të publikohen së shpejti.
Këshilli i Sigurimit të Kombeve të Bashkuara votoi unanimisht për një armëpushim 30-ditor ditën e shtunë. Rezoluta kërkonte që “të gjitha palët të lënë mënjajë armiqësitë pa vonesa”, në mënyrë që të lejonin dërgimin e ndihmave dhe evakuimet me qëllime shëndetësore.
Rusia u akuzua për vonesa në votimin e OKB-së prej disa ditësh, duke kërkuar ndryshime në tekstin e rezolutës së votuar. Sekretari i Përgjithshëm i OKB-së, Antonio Guterres e përshkroi situatën si “ferri mbi tokë”, e kërkoi veprim të menjëhershëm.
Megjithatë, edhe pas votimit unanim të rezolutës, raportimet nga zona në fjalë gjatë kësaj të hëne flisnin për vazhdimin e bombardimeve mbi enklavën rebele, ku janë bllokuar rreth 393 mijë civilë.
Top Channel
