Begaj takohet me Tajanin në Kalabri, diskutime për thellimin e bashkëpunimit mes Italisë dhe Shqipërisë në çështje rajonale dhe globale 02/05 22:00
Dhjetëra banorë të fshatrave që shtrihen përgjatë rrugës së vjetër Tiranë-Durrës kanë protestuar këtë të enjte për gjendjen e mjerueshme në të cilën ndodhet kjo rrugë dhe ndikimin negativ në zhvillimin e të gjithë zonës.
Qarkullimi në të thuajse është ndërprerë. Bizneset kanë falimentuar dhe prodhimet e zonës me vështirësi mbërrijnë në tregjet e Durrësit e Tiranës.
Rruga e dëmtuar dhe pa investime prej afro 3 dekadash është kthyer në shkak izolimi për banorët e fshatrave përreth.
“Nga një rrugë kryesore që ishte e që na sillte të ardhura ajo është kthyer në një gjendje të mjerueshme, ku nuk kalon asnjë makinë. Partitë veç premtojnë. Rrugë, ujë, drita duam! Asgjë më tepër. Prej më shumë se 7 vitesh kjo rrugë nuk përdoret më për të lidhur Tiranën me Durrësin, apo anasjelltas “, shprehen banorët.
Banorët thonë se do e përshkallëzojnë më tej protestën e tyre.
“Jemi izoluar. I prishëm makinat, i shkatërruam. 27 vjet që kjo rrugë nuk është parë me sy. Në vitin 2013 Edi Rama premtoi se do e bëjë këtë rrugën Kombinat-Plepa, po ende asgjë nuk është bërë. Kjo është një protestë e parë paqësore, por do të bllokojmë autostradën me shumë më tepër banorë”, paralajmërojnë protestuesit.
Top Channel
