LIVE/ 17 ditë luftë në Lindjen e Mesme! Trump kërcënon NATO-n, Gjermania dhe Britania refuzojnë Presidentin amerikan: S’kemi lidhje me Hormuzin 16/03 15:30
Angela Merkel kërkon që pozicionet ministrore në qeveri të mbushen edhe me pjesëtarë të rinj të partisë së saj.
“Duhet të sigurohemi që në konsideratë të mos merren vetem emrat e mbi 60-vjeçarëve, por edhe të personave më të rinj në moshë”, tha ajo për një televizion gjerman.
Në mënyrë të pashmangshme, Kancelares iu desh të përballej me pyetjen mbi lëshimet e dhimbshme që u bëri socialdemokratëve për arritjen e marrëveshjes së koalicionit, pas muajsh të tërë boshllëku politik në vazhdën e zgjedhjeve të shtatorit, që nuk prodhuan dot një fitues të qartë.
Disa në partinë e saj konservatore nuk ishin aspak të kënaqur me humbjen e Ministrisë së Financave, pasi druhen se tani që ajo është në duart e SPD-së, disiplina e fortë fiskale e ish-ministrit Wolfgang Schäuble do të kthehet në një gjë të së shkuarës.
Merkel u përpoq t’i qetësonte kritikët. “Dua të them se ne i kemi aprovuar tashmë politikat e saj dhe ministri i Financave thjesht nuk do të bëjë dot sipas qejfit”, ishte komenti i Kancelares.
SPD-ja i ka parë me skepticizëm ato që i konsideronte “masa të detyrueshme antikrizë”, të cilat iu imponuan në kohën e Schäubles vendeve të Europës jugore, si Greqia, dhe gjatë fushatës elektorale premtoi një shtim të investimeve.
Të shtunën, njeriu që pritet të marrë frerët e këtij dikasteri, Olaf Scholz u shpreh se Gjermania nuk duhet t’u tegojë vendeve të tjera europiane sesi t’i drejtojnë ekonomitë e veta, por shtoi nga ana tjetër se do ta ruajë politiken e balancuar buxhetore të Schäubles.
Top Channel
