Kopshti i ri në Njësinë 10 mirëpret 180 fëmijë, Veliaj: Revolucion edhe për ushqimin falas të nxënësve nëpër shkolla
25/11 15:21
Tirana do të ketë së shpejti një shkollë të re muzike. Themelet e saj, që do të mbajë emrin “Servete Maçi”, janë hedhur në një nga lagjet më të vjetra të kryeqytetit, në njësinë nr. 8.
“U hodhën themelet e shkollës së re të muzikës ‘Servete Maçi’. Kështu shpëtojnë njësitë 8 e 9 nga klasat me dy turne, përgatitet një elitë e re për Liceun dhe Akademinë e Arteve. Çdo ditë një punë konkrete për Tiranën, ky është misioni ynë i përbashkët”, shkruan Veliaj.
Shkolla 9-vjeçare “Servete Maçi”, e njohur ndryshe edhe si Shkolla e Muzikës, po rindërtohet nga e para. Ajo ndodhet në Njësinë Administrative Nr. 8, në rrugën e Dibrës.
Shkolla do të ndërtohet nga e para dhe përfshin një sipërfaqe totale prej 3.900 m2. Shkolla do të ketë 4 kate, nga të cilat 3 mbi tokë dhe një kat nëntokë. Krahas laboratorëve dhe ambienteve të tjera, shkolla e re do të ketë 19 klasa për të kaluar mësimin me një turn.
Gjithashtu, shkolla e re është konceptuar që të jetë edhe si një qendër komunitare, pasi është e pajisur me auditore, palestrën e brendshme, një terren sportiv të jashtëm dhe një oborr.
Top Channel
