Rastet më të vështira të syrit nuk kërkojnë më udhëtim jashtë, zgjidhja është në Shqipëri me Dr. Nishant Taneja nga India 01/04 16:49
Shkumbini është kthyer në mallkim për shumë banorë të fshatrave të Lushnjës. Ujërat e lumit, sa herë del nga shtrati i përmbytin duke iu shkatërruar gjithçka. Bledar Koreshi ishte sot në një nga shtëpitë që përmbytet tre herë në vit në këtë zonë.
Për t’i ikur varfërisë, Bardhi Jançari vendosi familjen e tij nga Peqini në Lushnjë, por në këtë vend Shkumbini ju kthye në mallkim. Në janar të 2016-s familja e tij u rrënua për shkak të ujërave të Shkumbinit që i shkatërruan gjithçka kishte.
Të dielën e kaluar Shkumbini erdhi sërish në shtëpinë e Jançarëve dhe kjo është hera e tretë. Fëmijët e tij po mësohen me ujërat, dhe sa herë Shkumbini del, ata vrapojnë në katin e dytë të shtëpisë.
E zonja e shtëpisë e vuan më shumë përmbytjen. Herët e kaluara ajo është izoluar në shtëpi në pamundësi për të dalë prej andej. Ndërsa çdo gjë iu shkatërrua.
Autoritetet deri më tani familjes që përmbytet edhe nga një shi i thjeshtë i janë çuar vetëm ndihma ashtu si shumë familjeve të tjera që përmbyten. Ndërsa ata kërkojnë një zgjidhje përfundimtare.
Top Channel
