Manchester Utd. përkujton 60-vjetorin e tragjedisë së Mynihut
06/02/2018 12:15
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
6 shkurti është një datë që nuk do të harrohet te Manchester United; është data e tragjedisë ajrore të Mynihut ku humbën jetën 23 persona mes të cilëve 8 futbollistë, 3 anëtarë të stafit të Djajve të Kuq, 8 gazetarë dhe 4 anëtarë ekuipazhit.
Sot është 60 vjetori i kësaj tragjedie që është stampuar në mendjen e të gjithëve në Manchester. Geoff Bent, Roger Byrne, Eddie Colman, Mark Jones, David Pegg, Tommy Taylor, Liam Whelan e Duncan Edwards, janë përkufizuar si “Lulet e Manchester”; emër që është ka mbetur i shkruar në histori, mendjen dhe zemrat e të gjithëve.
Ata janë simbolet e përjetshme të një skuadre të re,fituese dhe ndër më të fortat në histori. Manchester i asaj kohe kishte pseudonimin ‘Busby Babes’ që ndërthur mbiemrin e trajnerit Matt Busby me moshën e re të të gjithë futbollistëve.
Në 6 shkurt të 1958, Manchester United ishte duke u kthyer nga Beogradi ku kishte zhvilluar ndeshjen me Crvena Zvezdën e përfunduar 3-3 me skuadrën angleze që u kualifikua në gjysmëfinale të Kupës së Kampioneve. Ndalesa në Mynih ishte e nevojshme pasi duhej furnizuar avioni me karburant.
Në Aeroportin Mynih-Rim, u tentua 2 herë ngritja e avionit dhe në të dyja rastet dështoi.
Tentativa e tretë, kur avioni u desh të përshkojë një pjesë të pistës së mbuluar me borë të përzier me baltë, rezultoi fatale dhe të rinjtë e Manchester United u bënë viktima të asaj që sot quhet tragjedia më e madhe në historinë e sportit.
Top Channel
