Mësuesit shqiptarë në SHBA, takim me Majkon: Shqetësim librat shqip
05/02/2018 18:41
Arsimi, asnjë lek për studime/ DPAP që orienton politikat shkollore, zero shpenzime për kërkime në një vit
12/05 20:34
Ministri i Diasporës, Pandeli Majko udhëtoi të dielën në SHBA të Shteteve të Bashkuara të Amerikës, ku së bashku me homologun kosovar Dardan Gashi, zhvilloi një takim me drejtorët dhe mësuesit e shkollave shqipe përtej Atlantikut.
Takimi u zhvillua në Konsullatën e Kosovës në Nju Jork. Një prej shqetësimeve kryesore të drejtorëve dhe mësuesve ishte sigurimi i librave të gjuhës shqipe dhe të dy ministrat u shprehën të gatshëm për të ndihmuar.
Mësuesit ofruan mbështetjen në hartimin e një teksti për mësimin e gjuhës shqipe, si dhe përmirësimin e kurrikulave për t’ju përshtatur më mirë fëmijëve të diasporës.
Ministri Majko zhvilloi një takim edhe me sipërmarrësin Richard Lukaj në Qendrën Rinore Shqiptare “Stamford”, e themeluar prej tij. Lukaj, i cili është edhe Konsull i Përgjithshëm në Connecticut dhe Neë York, ka dhënë një kontribut të shquar për kauzat shqiptare e për zgjidhjen e çështjes së Kosovës. Gjatë takimit Majko vlerësoi dhe e falenderoi atë për punën e tij në dobi të shqiptarëve.
Top Channel
