Numri 2 i renditjes botërore në tenis për femra, Caroline Wozniacki fitoi Grand Slamin e parë të vitit 2018. Danezja triumfoi me rezultatin 2-1 ndaj rumunes Simona Halep, në finalen e Australian Open.
Sfida ishte mjaft e luftuar dhe spektakolare, ndërsa setin e parë Wozniacki e mori me shumë vështirësi me rezultatin 7-6, pasi u barazua dy herë avantazhi.
Halep, që është momentalisht numri 1 i renditjes botërore, arriti të dominojë në setin e dytë dhe të triumfojë me rezultatin 6-3, duke barazuar rezultatin.
Gjithsesi, Wozniacki u rikthye sërish në setin e 3-të dhe arriti të fitojë me rezultatin 6-4, duke siguruar edhe triumfin në Australian Open.
Top Channel
