Ministria e Jashtme dënon gjuhën e urrejtjes në Manastir
19/01/2018 17:49
Sherr mes shoferëve në doganën e Kapshticës, një i plagosur 01/05 15:44
Ministria për Evropën dhe Punët e Jashtme të Republikës së Shqipërisë ka reaguar pasditen e sotme duke shprehur keqardhjen e saj dhe dënuar gjuhën e urrejtjes së përdorur në mbishkrime në hapësira publike në Manastir, në adresë të shqiptarëve.
“Nuk është hera e parë që Manastiri, qyteti i kongresit historik të gjuhës shqipe dhunohet qëllimisht e në mënyrë të papranueshme nga akte të cilat kërkojnë të mbjellin urrejtje, përçarje e të nxisin tensione mes komuniteteve. MEPJ u kërkon autoriteteve të Maqedonisë të hetojnë dhe të venë para përgjegjësisë autorët e këtyre sulmeve, të cilat bien ndesh e cenojnë frymën e bashkëjetesës dhe harmonisë në Maqedoni e në gjithë rajonin”, thuhet në reagim.
Top Channel
