Sa shpesh duhen larë rrobat shtëpiake

Nga shtrati tek perdet e dushit, zbuloni se sa shpesh duhet t’i lani këto rroba shtëpiake.

Mbulesat e krevatit
Një e treta e jetës tonë kalohet në gjumë, dhe kjo do të thotë mjaft kohë. Duke qenë se djersijmë shumë, krijohet një mjedis i favorshëm për mikrobet dhe bakteret. Prandaj, për të mbajtur pastër shtratin dhe trupin tuaj mbulesat duhet të lahen në 60 gradë një herë në javë. Një këshillë është të mos rregulloni shtratin në mëngjes, duke i “mbyllur” mikrobet brenda. Hapni dritaren të ajroset dhoma dhe të largohet lagështira.

Peshqirët e tualetit
Nuk ka rëndësi se sa herë e përdorni peshqirin, po dijeni se është më i ndotur sa mendoni. Ai shërben si eksfoliant se sa herë që fshijmë duart lëmë një pjesë të lëkurës së vdekur në të. Ekspertët thonë se ato duhen larë në 60 gradë çdo dy ditë.

Perdet e dushit
Ndoshta mund të mendoni se ato lahen më shpesh kur lahemi vetë, por e keni gabim. Perdet e dushit duhet të lahen një herë në muaj për të shmangur krijimin e mykut që është një nga pasojat e lagështirës.

Jastëkët
Një tjetër material që lihet pas dore janë jastëkët e gjumit, të cialt duhen larë të paktën çdo tre muaj. Duke mbajtur pastër ato, lëkurën do e keni të pastër, flokët e pastër dhe do të mbani larg virozat.

Jorganët
Larja e jorganëve është po aq i rëndësishëm sa çarçafët, pasi edhe pse kanë çarçaf mbrojtës nuk do të thotë se shmangin mikrobet. Ato duhen larë çdo tre muaj, dhe mënyra më e lehtë është pastrimi kimik.

Top Channel