Autoriteti Kombëtar i Ushqimit ka bllokuar një sasi prej 80 kg mish të kontaminuar në një thertore në fshatin Mengel të Elbasanit, ndërkohë që policia ka nisur hetimet për pronarin e saj, A. SH, 63 vjeç.
Burime zyrtare bëjnë të ditur se gjatë kontrollit të përbashkët të AKU me policinë e Elbasanit, në thertoren e 63-vjeçarit u gjet sasia e mishit e cila ishte jashtë kushteve normale të konservimit, ndërkohë që personi tregtonte pa faturë tatimore.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Fshehja e të ardhurave” dhe “Prodhimi i kundërligjshëm i artikujve dhe mallrave industrialë dhe ushqimorë”.
Top Channel
