“28 nëntori i 1944 shënoi çlirimin nga pushtimi i huaj dhe zëvendësimin me një të dyfishtë”, Berisha: Është koha për reflektim të thellë 29/11 18:02
Kryetarja e LSI, Monika Kryemadhi bëri të ditur se deputetët e partisë së saj nuk do të jenë në seancën dëgjimore me kandidatët për kryeprokuror të përkohshëm, duke e quajtur atë të paligjshme.
“Komisioni është i paligjshëm, nuk e di me ca targeti e bën, nuk është KLP. Dëgjesat i bën KLP. Komisioni i ligjeve shqyrton ligjet, i përgatit për në seancat plenare dhe deri këtu. Mosngritja e KLP është një skenar i qëllimshëm për të rrëmbyer institucioni e Prokurorit të Përgjithshëm. Ne jemi të gatshëm për të rifilluar diskutimin për të ndryshuar ligjin për prokurorin përsa i përket KLP”, tha Kryemadhi.
Për kryetaren e LSI-së, asnjë ambasador i huaj nuk ka kërkuar shkelje të Kushtetutës, referuar dhe deklaratës së nënkryetarit Luan Rama një ditë më parë.
“Ambasadorët e huaj që janë në Shqipëri përfaqësojnë shtetet e tyre janë të detyruar të bashkëpunojnë me qeverinë shqiptare por dhe opozitën për shkak të vazhdimësive dhe marrëdhënive mes shteteve. Por dua të theksoj që asnjë ambasador nuk ka kërkuar shkeljen e Kushtetutës dhe ligji shqiptar. Interpretime politike mund të bëjmë secili, dua të them se nganjëherë fobia që kemi ndaj ambasadorëve na bën që problemet që kemi ne t’i kalojmë tek ambasadorët”, tha Kryemadhi.
Top Channel
