Policia Rrugore ka lançuar një nismë të re në kuadër të javës së sigurisë rrugore. Për 20 drejtuesit e mjeteve model, që respektojnë shpejtësinë e lejuar do të dhurohen 20 polica sigurimi përmes një shorteu që do të jetë në ambientet e Policisë së Shtetit.
“Kjo nismë ka të bëjë me lancimin e një llotarie për drejtuesit e mjeteve që respektojnë rregullat qarkullimit rrugor. Kemi vendosur të lançojmë sot “Drejtuesin e mjetit model”, i cili respekton rregullat e qarkullimit në kufijtë e lejuar të normave të shpejtësisë. Radarët përveç konstatimeve të shpejtësisë, për drejtuesit e mjeteve që qarkullojnë brenda normave të lejuara do të përzgjidhen dhe sipas një shorteu që do të jetë live në drejtorine e Policisë së Shtetit do të përzgjidhen 20 drejtues mjetesh dhe do të dhurohen 20 polica sigurimi për këta drejtues mjetesh”, tha Ervin Dervishi, specialist i sigurisë rrugore.
Duke folur për radarët automatik, ai tha se drejtuesi i mjetit nuk është i domosdoshëm të shohë punonjësin e policisë rrugore, pasi do të jetë radari që do të bëjë monitorimin.
Top Channel
