Shqipëria duhet të shënojë dhe fitojë në Varshavë, por me cilin?! Enigma Mehmeti, ankthi Broja, vjen Muçi… 19/03 12:28
Carlo Tavecchio shkarkoi trajnerin Gian Piero Ventura, por vet nuk dha dorëheqjen nga drejtimi i Federatës italiane të Futbollit, FIGC. Njoftimi vjen në përfundim të takimit në selinë e Federatës në Romë, që zgjati për mbi dy orë.
Ajo që prisnin shumica e italianëve, një “tërmet” nuk ka ndodhur. Tashmë është e qartë se, për paraqitjen skandaloze të Italisë dhe mungesës së bujshme të saj pas 60 vitesh në një Botëror, “paguan” vetëm trajneri i axurrëve, i cili mbyll në mënyrën më të keqe të mundshme aventurën në stolin e pankinës italiane.
Njoftimi zyrtar nga Federata u shpërnda rreth orës 18:20.
Sa i përket zërave mediatik se Ancelotti është kandidati kryesor për të pasuar Venturën në pankinën e Italisë, presidenti Tavecchio shprehet se nuk është folur në mënyrë absolute mbi këtë temë.
Në takim morën pjesë disa drejtues të lartë, duke nisur nga presidenti i shoqatës së arbitrave, asaj të futbollistëve dhe asaj të trajnerëve.
Renzo Ulivieri, kreu i shoqatës së trajnerëve, shprehu keqardhjen për shkarkimin e Venturës. Ndërsa ai i shoqatës së futbollistëve, Damiano Tommasi u largua më herët nga të gjithë nga takimi, pasi nuk e kapërdiu mosdhënien e dorëheqjes nga ana e Tavecchios.
Oggi ho avuto la conferma che le panchine sono più scomode delle poltrone. #ilcalcioachiloama #girarepagina @Figc @assocalciatori
— Damiano Tommasi (@17tommasi) November 15, 2017
Megjithatë, për futbollin italian do të ketë edhe një zhvillim të rëndësishëm. Në fund të nëntorit, Tavecchio do të mbledhë Këshillin Federal (qeverinë e brendshme të futbollit), për të propozuar kandidaturën e trajneri të ri të Italisë. Carlo Ancelotti është kandidati numër 1 dhe ndoshta edhe i vetmi për të marrë drejtimin e Italisë dhe, në rast se do t’i kërkohet ulja në pankinën e axurrëve, me siguri që nuk do ta refuzonte.
Top Channel
