“Është gjendje alarmante”, Berisha: Rrogat dhe pensionet e ulëta, janë rritur vetëm pagat e zyrtarëve
26/12 21:02
Dy ditë pas kërkesës së bërë nga deputetët e PD dhe LSI për publikimin e të dhënave të raportuara nga institucionet për luftën ndaj drogës me qëllim që të ballafaqohen rezultatet e dhëna, kreu i shtetit u ka kthyer përgjigje negative deputetëve.
“Nëpërmjet kësaj përgjigje ju bëj me dije se nuk e kam aprovuar kërkesën tuaj”, thotë Meta duke shpjeguar se nuk ka qënë në përputhje me paketën ligjore :Për informacionin e klasifikuar “sekret shtetëror”.
Kreu i shtetit shpjegon më tej se “deklasifikimin dhe publikimin në mbledhjet e KSKS-së” pavarësisht qëllimeve pozitive të një grupimi politik, shoqëror apo social të caktuar nuk e gjej plotësisht në përputhje me interesat afatgjata të sigurisë kombëtare.
“Vlerësoj se deklasifikimi dhe publikimi i diskutimeve në mbledhjet e KSK-së (që nuk ka ndodhur asnjëherë) do të përbënte një precedent me pasoja afatgjata për funksionimin e Këshillit të Sigurisë Kombëtare”, vijon presidenti në shpjegimin e tij.
Por Meta thotë se vetë organi i akuzës ka të drejtën e marrjes së informacioneve sipas ligjit, ku shprehet se “Institucioni i Prokurorit të Përgjithshëm mundet të kërkojë dhe të përdorë për interesa të hetimit informacionin e mbledhjeve të KSK-së në mënyrën e përcaktuar nga ligji.
Top Channel
