Ambasadorja franceze: Plotësoni prioritetet. Shteti ligjor, jetik
10/11/2017 17:08
Bisedimet me Presidentin për dekretin e zgjedhjeve, ja cilën datë propozon PS 25/11 12:24
Nga qyteti i Korçës, ambasadorja franceze Christine Vasak ka apeluar që Shqipëria të vazhdojë punën për përmbushjen e prioriteteve kyçe sa i takon anëtarësimit në BE.
Ajo e ka vendosur theksin tek veprimet konkrete për vendosjen e shtetit të së drejtës, i cili sipas saj duhet të nisë nga klasa politike e deri tek qytetarët e thjeshtë.
“Shqipëria është vend kandidat për në BE që prej vitit 2014. Ajo duhet të plotësojë 5 prioritetet kyçe, secili prej tyre ka rëndësinë e vetë për të gjitha vendet e BE-së. Në Shqipëri duhet të vendoset shteti i së drejtës, të cilit duhet t’i binden të gjithë, nga qeveritarët, shumica e opozita deri tek çdo qytetar shqiptar”, ka thënë Vasak.
E pyetur për kapjen e peshqve të mëdhenj, ajo ka zgjedhur të mos japë një përgjigje direkte. “Si juriste që jam edhe njëherë e vë theksin tek shteti i së drejtës, që duhet të funksionojë. Faleminderit”, ka thënë diplomatja franceze.
Top Channel
